Tiu Bustianu Sale (poesia di Montanaru)

Un giovane ragazzo va sui monti per cercare Tiu Bustianu, un vecchio ancora temuto per le sue gesta giovanili.
Il vecchio racconta che orfano, da bambino iniziò a fare il porcaro, senza abiti e quasi senza pane.
Da ragazzo costituì il suo allevamento, “rubando”, ma gli è testimone Dio, non è un ladro.

Una volta in otto hanno cercato di rubargli i maiali e, dopo 2 ore di sparatorie i banditi scapparono, lasciando 2 morti sul terreno, mangiati poi dai maiali.

Da allora Tiu Bustiano è temuto come un Re e, seppur vecchio e stanco, nessuno osa provare ad affrontarlo.

Ispolcu, imbulzighinadu e imbusciadu
cun su fusile a coddu, a fust’in manu, 
in subra de una rocca incapucciadu,
hap’incontradu a tiu Bustianu,

procalzu, dae trint’annos a sa sola,
in sas serras buscosas de Divisu.
Giughiat sa cara de color”e sola
e sos calzones pienos de chinisu.

“Salude o Tiu mannu!”eo li nei.
“Salude!” mi neit issu a malu gustu
“e ite has bidus porcos cue addei
ca oe mi nde mancad’unu grustu?”.

“No nd’hapo ‘idu”, deo hapo rispostu,
“sempre goi tiu Bustianu?”.
“Sempre fizu meu a donzi costu
in cust’arte de malu cristianu!”.

“In bidda m’hat contadu tanta zente
chi bos sunu suzzessos fattos mannos;
si non credeis ch sia impertinente,
nàdemi de sos primos bostros annos

calchi contadu; sa zente pizzocca
ischides chi est amiga ‘e sa rocca,
s’appoggeit sa manu a una barra

e cumenzeit: “Fia minoreddu,
cando a primu a innoghe m’han battidu,
orfanu ‘e babbu e mamma e misereddu,
comente chie sos suos hat perdidu.

“E m’allevein gasie zente anzena,
teraccu e orfanu senza pannu in dossu;
chi mi daian, che cane in cadena,
calchi ticcu ‘e soru e calchi ossu.

“E a sas bortas, famidu, in sas cresuras
m’attataìa de mura, ma in s’ierru,
fini sas dies mias pius duras;
ca innoghe pariad’un’inferru.

“Senz’ischire, pienu ‘e bisonzu
calchi pegus furadu hap’in su padru;
eppuru! mi siet Deus testimonzu,
belle ch’hapo furadu non so ladru!

“e comente ch’essere unu dimoniu
essei a foras gridende: ‘Firma in cue!
ca si no nd’intendidese s’insoniu’.
‘Già nd’hamus bidu ateru e che tue,

“cane istelzu, oltula padeddas,
si non torras in segus già la leas!
Ista notte non brincas e non seddas,
o ite cun belviesos non ti creas!”.

“E fattei fogu, fogu ripitidu,
abboghinende, irrochende, pianghende
de rabbia e cun su coro inferocidu
chi finzas e i sos canes fin tremende.
“Sos ladros m’isparein issos puru
felzèndimi a innoghe; mira, a s’anca,
innoghe ue su colzu est pius duru
e paret ch’hapa un’istella bianca.

“Duas oras istesi a fagher fogu.
Pois sos ladros si nde sun fuidos,
lassende duos mortos in su logu
chi si los han sos porcos divididos.

Dae sa die, Bustianu Sale
est innoghe timìdu cala re.
Non so fattu de malu naturale,
m’arguai chi essa dai me!

“Ca tando non b’hat pedra né granittu
chi mi reparet; felzo, ispacco e bocco
a fusile, a bastone, a ferru frittu!
Ma si no mi toccant, mai no nde tocco.

“Sos de Fonne sunt malos; una ‘orta
sun istados capaces de gridare
chi mi collian intro un’isporta,
se deo sighia gai a minettare.

“Sa die su ‘antu maccu sos brentones
lu lassein in punta a una rocca;
a chie lasseit berritta,a chie calzones,
ca sos colpos ruiant che fiocca.

“Como so bezzu, bides, pili canu
eppuru, como ancora ch’est ancora,
cando bi passat tiu Bustianu
zerta zente non pisciat mancu fora!”.

E gai nende si peseit reu,
cun s’alva isporca ‘e brou e tabaccu;
ma superbu e fieru, cala deu
de forza e d’odiu prontu a unu attaccu!

dal libro Cantigos d’Ennargentu

Ph credit

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Crea un sito o un blog gratuitamente presso WordPress.com.

Su ↑

%d blogger hanno fatto clic su Mi Piace per questo: