AMPSICORA di Salvatore Lay Deidda – Amsicora Edizioni – 1993

Pubblichiamo un estratto di un poema epico, in lingua logudorese, intitolato Amsicora, in cui parla della resistenza dei sardi all’invasione romana, del poeta e canonico Salvatore Lay Deidda (Desulo 1920 – Tonara 1951).

In alcune parti anticipa alcune teorie odierne di Ugas, Melis e di Frau, dei Sardi come prima cultura di occidente: “Est Sardigna, regina ‘e gigantes, Chi a s’Italia hat dadu civiltade, A s’Etruria dottos abitantes, A sa sicula terra bonidade.”

E ancora: “Esa a Sardigna chi devet sas glorias. Cudda Grecia manna, oe pomposa, Ca, mancari si perdant sas memorias, De Sardign’imparesit ogni cosa. De sos sardos onores e vittoriosas. Faedda tue, Egittu populosa; E tue, indorada Etiopia, Pesa, faedda ‘e Sardigna mia”.

Nesit Deus; e gai s’est formadu
Su regnu sardu in custa bella terra.
Sardan sas tres cittades hat fundadu
Chi altas sunt piùs de ogni serra:
Seulu, bastione ismesuradu
Porta dura, cunzada a ogni gherra;
Belvì, d’eroes sa mama fecunda
E Ollollai de artes giucunda.

Norace de sos mares dominante
Fundesit Nora, bella dae tesu,
Ispettaculu summu a s’ammirante
Chi de su mare si ponet in mesu:
Enosi, su de turres fabbricante
Fundesit Sulcis, su casteddu estesu
Ch’hat fatt’ispaventare ogni gente
Benida da’ occasu e da’ oriente.

Kalar peseit Kalares divina
Cun arereas cupolas lanzada,
Surrisa semper dae sa marina
E dae dulches zefiros basada.
Ultima Cornus, perla ‘e Sardinia,
Dae su Babbu Sardan fit creada,
Pro superare totus in bellesa,
in maestade summa e in fortesa

Gai si populesit tot’in una
Custa terra piena e dulzuras:
In ogni logu (tanti fit fortuna!)
Si pesesint cittades in alturas.
Sos nuraghes ch’Ichnusa oe aùna
Che cosas de servare imperituras,
Sunt totu restos de sa majestade
Chi teniat Sardigna in cuss’edade.

Oh, immensas cittades de nuraghes
Ridentes in sos logos solianos!
O pungente regodu, mi piaghes
Ma in coro mi pones uraganos!
Nara, Sardigna mia, ite faghes
Pensend’a tales seculos lontanos?
Pensa, pensa, mancari cun dolore,
A sos tempos de fastos e fulgore!

Est Sardigna, regina ‘e gigantes,
Chi a s’Italia hat dadu civiltade,
A s’Etruria dottos abitantes,
A sa sicula terra bonidade.
Est Sardigna ch’a populos vagantes
Distruesit s’antiga feridade
In sas libica costas e maùras,
D’Ispagna e de Gallia in sas alturas.

Esa a Sardigna chi devet sas glorias
Cudda Grecia manna, oe pomposa,
Ca, mancari si perdant sas memorias,
De Sardign’imparesit ogni cosa.
De sos sardos onores e vittoriosas
Faedda tue, Egittu populosa;
E tue, indorada Etiopia,
Pesa, faedda ‘e Sardigna mia.

E bois, terras totus ue mai
Sa fenicia nave est arrivada
Cun sas robas de Nora e d’Ollolai,
Faeddade, E s’in casu bos aggradada,
Tyrios, faeddade puru gai
E ‘nde siet Sardigna gloriada.
S’Isula chi ponides in dolore
Bos hat dadu scienzia e onore.

Ma s’in tanta bassesa como est posta
Cudda chi s’universu hat ammiradu
No’ est rutta sa santa fide nostra
In su chi Deus hat assiguradu.
Su nemigu si pesat e s’apposta!
Ma semper Sardan est invioladu:
Gennargentu, su regnu imperituru
Da’ ogni insidiosu est seguru.

Ruat puru su vastu Campidanu
E Logudoro a ogni Sardu caru;
Gennargentu però in sarda manu
Hat a restare, liberu in riparu.
Kartagine già l’ischit; su Romanu
Candu lu provat l’hat a bier jaru
E a totu su mundu hat a narare
De sa Gennargenzia non toccare

Prestu! Prestu! Sas forzas de Sardinia
Si pesente, cun bolu vigorosu,
Falent a sfasciare in sa marina,
Su littoriu fasciu obbriobriosu.
Cuss’istirpe silvatica e lupina
Non turbet piùs de Sardan s’almu gosu:
Dae su sacru lidu si ‘nde fuat
O senza tumba inie morta ruat.

Foto: http://tonarasardegna.blogspot.it/2013/03/cantos-de-monte-salvatore-lai-deidda.html

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

Crea un sito o un blog gratuitamente presso WordPress.com.

Su ↑